“Beynəlxalq Sülh Günü”
21 sentyabr- “Beynəlxalq Sülh Günü” ərəfəsində 232 saylı tam orta məktəbdə müxtəlif tədbirlər təşkil olunmuşdur.
Müxtəlif siniflərdə 16 sentyabr tarixindən etibarən mövzu ilə bağlı dəyirmi masalar, təşkilat saatları,musiqili-bədii kompozisiyalar keçirilmiş, günün mahiyyəti ilə bağlı məlumatlar verilmiş, sülhün əmin-amanlıq, qurub-yaratmaq, dinclik və inkişaf olduğu, hər bir cəmiyyətin, ümumiyyətlə bəşəriyyətin ən çox arzu etdiyi dəyərlərdən biri olduğu diqqətə çatdırılmışdır.
20 sentyabr tarixində məktəbin həyətində keçirilən böyük tədbirdən xüsusilə ibtidai sinif şagirdlərinin hazırladıqları maraqlı rəqslər, musiqi nömrələri, bədii kompozisiyalar, tamaşaçıların dərin marağına səbəb oldu. Sülhə olan rəğbətini ağ göyərçinləri göyə uçurmaqla bildirən ibtidai sagirdləri üzlərindəki sevinc maraqla qarşılandı.
