COP -29 "Yaşıl dünya naminə həmrəylik ili" ilə bağlı seminar keçirildi
![](https://bakimektebleri.edu.az/uploads/news_gallery/1715329195663dd8ab47aff3.64990605.jpg)
COP-29 "Conference of the Parties" Tərəflərin Konfransı adlanır və adındakı 29 rəqəmi tədbirin sayca 29-cu olduğunu bildirir.
COP tədbirlərinin məqsədi: Paris Sazişinin tələbi olaraq dünyada karbon qazının miqdarını sənayeləşmədən əvvəlki dövrdə olduğu kimi 1,5 dərəcə Selsi ilə məhdudlaşdırmaqdır.
Azərbaycan Respublikası Prezidenti işğaldan azad edilmiş torpaqları "Yaşıl enerji" zonası elan edib və 2022-2026-cı illər üzrə tədbirlər planı təsdiqlənib,bu ərazilərin 2050-ci ilədək "Netto sıfır emissiya" zonasına çevrilməsi nəzərdə tutulur.
Seminarın məqsədi şagirdlərə COP -29 haqqında məlumat vermək, "Yaşıl dünya naminə həmrəylik ili" ilə bağlı geniş məlumat verməkdir. Məktəbimizdə "Yaşıl dünya naminə həmrəylik ili" ilə bağlı müxtəlif silsilə tədbirlər keçirilməkdədir.
Seminarda məktəbimizin direktoru Günel Fətəliyeva, kimya müəllimi Aytən Məmmədli, biologiya müəllimləri Fərqanə Əkbərova, Zülfiyyə Hüseynova iştirak etdi.