"Adət-ənənələrimiz"
Məktəbin fəaliyyət planına uyğun olaraq "Dəyərlərimizi qoruyaq" adlı layihəmiz davam edir. Layihənin "Adət-ənənələrimiz "həftəsi Yel çərşənbəsi günü keçirildi. Bu məqsədlə 1A sinif rəhbəri Leyla Orucəliyeva şagirdlərlə Novruz adət-ənənələri, çərşənbələr haqqında məlumat verdi. Etiqadlara görə, bu çərşənbədə oyanan yel və külək dünyanı dolaşır, oyanmış suyu, odu hərəkətə gətirir, hər şeyə yeni nəfəs verir. Ona görə bu çərşənbəyə xalq arasında “Yelli-küləkli” çərşənbə deyirlər.Şagirdlər Keçəl və Kosa obrazlarını canlandırıb, şeir və mahnı oxudular. Məktəbin direktor əvəzi Günel İsmayılova və UBR Mədinə İskəndərova şagirdlərin çıxışlarını izləyib, çərşənbələrini təbrik etdilər.
