“1 mart Ümumdünya Mülki müdafiə günü” keçirildi
232 № li tam orta məktəbin 2024-cü ilin mülki müdafiə tədbirlər planına əsasən 1 mart 2024- cü il tarixində “ Mülkü müdafiə sahəsində innovativ texnologiyalar ” mövzusunda “1 mart Ümumdünya Mülki müdafiə günü” nə həsr olunmuş tədbir keçirildi. Tədbirin keçirilməsində məqsəd fövqəladə hallar üzrə komissiyaların fövqəladə hadisələr zamanı qarşıda duran vəzifələrin yerinə yetirilməsinə hazırlığını yoxlamaq, şagirdlərdə fövqəladə hadisələrin nəticələri aradan qaldırılarkən xilasetmə və digər təxirəsalınmaz işlərin təşkili və operativ olaraq yerinə yetirilməsi üzrə praktiki vərdişlərin aşılanmasıdır. Məktəbin direktor əvəzi Günel İsmayılova “1 Mart Ümumdünya Mülki Müdafiə günü” haqqında ümumi məlumat verdi, fəaliyyət planına uyğun olaraq Mülki Müdafiə ilə bağlı məktəbdə görülən işlər haqqında danışdı. Tədbirdə şagirdlər yanğın, zəhərlənmə, zəlzələ, uçqun zamanı davranış qaydalarını, zərərçəkmişlərin xilasolunma qaydalarını praktik şəkildə nümayiş etdirdilər. İlk olaraq məktəbin akt zalında 2, 5, 6-cı siniflərində açıq dərslər keçirildi. Məktəbin həyətində isə məktəb şagirdlərindən ibarət yanğın söndürmə, xilasetmə və tibb manqaları tərəfindən uçqun zamanı şagirdin uçqundan sonra xilasetmə əməliyyatı, yanğın zamanı yanğına müdaxilə və ilkin tibbi yardım olunmasını göstərildi. Tədbirdə müəllimlər, şagirdlər, valideynlər, iştirak etdilər.#MülkiMüdafiəGünü
