"Yaşıl məktəb" layihəsinə start verildi
Məlum olduğu kimi respublikamız beynəlxalq ictimaiyyətdə iqlim dəyişmələrinin fəsadlarına qarşı mübarizədə fəal mövqe nümayiş etdirir. 2024- cü ilin "Yaşıl dünya naminə həmrəylik ili" elan olunması da bu mövqeyinin göstəricisidir. Ölkəmizin hər yerində bu sahədə sistemli olaraq həyata keçirilən tədbirlərə 232 kollektivi də böyük həvəslə qoşulmuşdur. Sinif otaqlarında dibçək güllərinə qulluq, məktəb həyətində yeni gül kollarının və dekorativ bitkilərin əkilməsi, dəhlizdəki pəncərə önlərinə dibçəklərin düzülməsi öncədən hazırlanan tədbirlər planının istiqamətlərindəndir. 23.02.2024-cü il tarixində məktəbin bütün sinifləri məktəb dəhlizlərinə düzmək üçün dibçəklər təqdim etdilər. Şagirdlərdə birgə fəalliyyətə stimul verən bu aksiya həm də şagirdlərdə təbiətə qayğı, ekologiyanın qorunmasına məsulliyyətli yaşanma formalaşdırır.