Riyaziyyat aylığı çərçivəsində tədbirlər davam edir
Məktəbin fəaliyyət planına uyğun olaraq dekabr ayı “Riyaziyyat aylığı” elan olunmuşdur. Riyaziyyat fənninin digər fənlərlə inteqrasiyalı şəkildə tədris olunması məqsədini əsas götürərək məktəbin riyaziyyat müəllimi Şəhla Şirinova və informatika müəllimi Pəri Əhmədovanın birgə əməkdaşlığı ilə 5 "A” sinfində inteqrasiyalı dərs təşkil edilmişdir.Məqsəd şagirdlərə tədris prosesində öyrəndikləri bilik və bacarıqları digər fənlərlə və real həyat fəaliyyəti ilə əlaqələndirməyi aşılamaq idi. Adi kəsrlər üzərində əməlləri Scratch mühitində tətbiq etmək şagirdlərdə ruh yüksəkliyi yaratmışdır. Dərsin gedişatı şagirdlərdə yüksək marağa səbəb olmuşdur.Şagirdlərin fəal iştirakına və təlim nəticələrinə nail olunmuşdur.
