Dahi rəhbərimiz
Məktəbin fəaliyyət planına uyğun olaraq 3 "B" sinfində sinif rəhbəri Mərziyyə Əliyevanın təşkilatçılığı ilə "Ümummilli lider Heydər Əliyevin anım günü" ilə əlaqədar təşkilat saatı keçirildi. Məqsəd ulu öndər Heydər Əliyevin anım günü ilə bağlı onun əziz xatirəsini yad etmək, Azərbaycan dövlətinin inkişafı və xalqın xoşbəxt gələcəyi naminə etdiyi işləri, şanlı həyat yolunu şagirdlərə anlatmaq, dahi şəxsiyyət Heydər Əliyevdən örnək alaraq onun yolunu davam etdirməyə şagirdləri təşviq etməkdir. Tədbirdə şagirdlər ulu öndərin həyatı və Azərbaycanın inkişafı üçün gördüyü işlər haqqında hazırladıqları təqdimatı göstərdilər, ümummilli liderə həsr olunmuş şeirlər söylədilər və mahnı oxudular. Sonda dahi şəxsiyyətin həyat və yaradıcılığına həsr edilmiş videoçarxa baxdılar.
