Uşaq Hüquqları mövzusunda maarifləndirici tədbir keçirildi
Məktəbin illik fəaliyyət planınına uyğun olaraq “Uşaq hüquqları aylığı” (20 oktyabr – 20 noyabr) çərçivəsində tədbirlərimiz davam edir.
Tədbirlər planına uyğun olaraq sinif rəhbəri Mərziyyə Əliyeva və UBR Mədinə İskəndərovanın rəhbərliyi ilə 3 “B” sinif şagirdlərinin iştirakı ilə “Uşaq hüquq və vəzifələri” mövzusunda tədbir keçirildi.
Məqsəd şagirdlərə vəzifə və hüquqlarını anlatmaq, dövlətin uşaqlara olan qayğı və dəyərləri, uşaqların evdə, məktəbdə və cəmiyyətdə davranış qaydaları haqqında geniş bilgilər verməkdir.
Tədbirdə UBR Mədinə İskəndərova çıxış edərək qeyd etdi ki, bütün hüquqlar istisnasız olaraq uşaqların hamısına şamil edilir. Dövlət uşağı hər hansı formada ayrı – seçkilikdən qorumağa və onun hüquqlarını qorumaq üçün lazımi tədbirlər görməyə borcludur. Uşaqların tərbiyəsi üçün əsas məsuliyyəti valideynlər daşıyır. Dövlət isə onlara bu işdə himayə göstərir.
