8 Noyabr Azərbaycanın Zəfər Günüdür
Məktəbin fəaliyyət planınına uyğun olaraq 3 noyabr 2023 cü il tarixində 5 “C” sinif şagirdləri ilə "Zəfər Günü" adlı tədbir keçirildi. Məqsəd şagirdlərə qələbə, vətənpərvərlik, birlik hisslərini aşılamaq idi. Əvvəlcə tarix müəllimi Zərxanım Zülfüqarova və UBR Mədinə İskəndərova İkinci Qarabağ müharibəsi və Zəfər günü haqqında ətraflı məlumat verdilər. Sonra söz şagirdlərə verildi. Şagirdlərdən Zülfüqarlı Xətai, Zülfüqarlı Rüqəyya, Quliyeva Xədicə və Hacıyev Elşən məlumatlandırıcı çıxışlar etmiş, xalqımızın zəfər yolunun keşməkeşli məqamlarını vurğulamışlar. Daha sonra şagirdlər şəhidlərimizi anmış, qazilərimizə şəfa diləyib, Zəfər günü ilə bağlı şeirlər səsləndirmişdir. Şagirdlərdən İsgəndərli İsgəndər, Əliyev Əli Fəqan oğlu və Əliyev Əli Natiq oğlunun səsləndirdiyi şeirlər qonaqları daha çox qürurlandırmışdır. Tədbir böyük vətənpərvərlik ruhunda başa çatdı.
Tədbirdə 5 “C” sinif rəhbəri Pəri Əhmədova, Tarix müəllimi Zərxanım Zülfüqarova, UBR Mədinə İskəndərova, psixoloq Ləman Mehtiyeva iştirak etdilər.
