Şəhid Elyar Vəliyevin anım günü keçirildi
Məktəbin fəaliyyət planına uyğun olaraq 4 " B" sinfində şəhid Elyar Vəliyevin anım günü keçirildi. Şagirdlər şəhidimizi bir dəqiqəlik sükutla yad etdilər. Sinif rəhbəri Şəbnəm Balayeva şagirdlərə şəhidimizin həyatı haqqında məlumat verdi.
Elyar Vəliyev 1991-ci il oktyabrın 17-də Qobustan rayonunun Sədəfli kəndində anadan olub.Azərbaycan Ordusunun giziri olan Elyar Vəliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi zamanı Füzulinin, Cəbrayılın və Qubadlının azadlığı uğrunda gedən döyüşlərdə savaşıb.Elyar Vəliyev oktyabrın 19-da Qubadlının azad edilməsi zamanı şəhid olub.
Elyar Vəliyev ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə" və "Xocavəndin azad olunmasına görə" medalları ilə təltif edilmişdir.
Sonda şagirdlər Elyar Vəliyev haqqında bildikləri əlavə məlumatları səsləndirdilər.
