27 sentyabr qan yaddaşımızdır
Məktəbin fəaliyyət planınına uyğun olaraq 27 sentyabr 2023 cü il tarixində 5 «C” sinif şagirdləri ilə "Anım günü" adlı tədbir keçirildi. Əvvəlcə tarix müəllimi Zərxanım Zülfüqarova İkinci Qarabağ müharibəsi haqqında ətraflı məlumat verdi. Sonra söz şagirdlərə verildi. Şagirdlərdən Zülfüqarlı Xətai Milli qəhrəman Cəbrayıl Dövlətzadənin keçdiyi döyüş yolundan, Vüsal General Polad Həşimovun qəhrəmanlıq səlnaməsindən, Xədicə Mübariz İbrahimovun təkrarolunmaz şücaətindən iftixarla, qürurla bəhs etdilər. Daha sonra şagirdlərdən Rüqəyyə, Əsmanur, Məryəm, Gülər şəhidlərimizə həsr olunmuş şeirlər söylədilər. Tədbir böyük vətənpərvərlik ruhunda başa çatdı. Tədbirdə 5 “C” sinif rəhbəri Pəri Əhmədova,kitabxana müdiri Aytən Məmmədova iştirak etdilər.
