Sinif nümayəndələrinin yığıncağı keçirildi
Məktəbin fəaliyyət planına uyğun olaraq V-XI sinif nümayəndələrinin yığıncağı keçirildi. Məqsəd sinif nümayəndələrinin vəzifələri, görəcəyi işləri onlara xatırlatmaq, nümunəvi sinif nümayəndələrinin işini tanıtmaqdır.
Məktəbin UBR rəhbəri Mədinə İskəndərova öz çıxışında bildirdi ki, sinif nümayəndələri seçilmiş, nümunəvi şagirdlərdir. Sinif nümayəndəsi sinif rəhbərinin ən yaxın köməkçisi olmalıdır. Sinif təmizliyinə, davamiyyətə, nizam-intizama, keçirilən tədbirlərə sinif nümayəndəsi cavabdehlik daşıyır. 11 “A” sinif nümayəndəsi Səbinə Quliyevanın işi buna ən yaxşı nümunə olaraq göstərildi.
Tədbirdə psixoloq Ləman Mehtiyeva və UBR Mədinə İskəndərova sinif nümayəndələrinə öz tövsiyələrini verdilər.
