“Yaşasın hüquqlarımız” başlığı altında tədbir keçirildi
4 noyabr 2019-cu il tarixində uşaq hüquqları aylığı çərçivəsində məktəbdə “Yaşasın hüquqlarımız” başlığı altında maarifləndirici tədbir keçirildi. Tədbirdə ilk öncə uşaq hüquqlarını əks etdirən video çarx nümayiş olundu. Tədbirdə çıxış edən direktor əvəzi Seymur Yusibov, Pirallahı Rayon Polis Şöbəsinin rəis müavini polis polkovnik leytenantı Fəxrəddin Bababayev Uşaq Hüquqlarının təbliğinə, hüquq düşüncəsinin, hüquq mədəniyyətinin inkişaf etdirilməsinə, uşaq hüquqlarının müdafiəsinə və onların problemlərinin həllinə dövlətimiz tərəfindən göstərilən diqqət və qayğıdan danışdılar. Sonra isə onların nə qədər məlumatlı olmasını yoxlamaq məqsədilə sual-cavab keçirildi. Məktəblilərin verdikləri cavablardan məlum oldu ki,onlar öz hüquqları barəsində məlumatlıdırlar.
Tədbir canlı diskussiya şəraitində davam etdi və uşaqların çoxsaylı sualları ətraflı cavablandırıldı.
