231 №-li tam orta məktəb

  Müəllim anadan müəllim doğulmalıdır və sənətini sevərək həyata keçirməlidir. Qocaman müəllimlərin hələ də çalışmaq, öyrətmək, gənc nəslə kömək etmək istəyini gördükdə onların həqiqətən də öz sənətlərini sevdikləri və həyat eşqi ilə yaşadıqlarını görmüş olduq. Qocaman müəllimlər Şövkət Hilalbəyovanı və Xəqani Alməmmədovu  N.S.Teymurov adına 231 nömrəli məktəbin tarixində buraxdıqları iz daima hörmətlə xatırlanacaq.

  Sinif rəhbərlərinin apardığı tərbiyəvi işin ən mühümü olan sinif təşkilat saatı şagirdlərin təhsil və tərbiyəsinə düzgün istiqamət vermək üçün çox faydalı və gərəklidir. Sinif kollektivi yaratmaq, sinifdəki hər bir şagirdin fərdi-psixoloji xüsusiyyətlərini dərindən öyrənmək məqsədi ilə maarifləndirici, istiqamətləndirici və təşkiledici istiqamətdə mütəmadi olaraq siniflər üzrə sinif təşkilat saatı keçirilir. İl ərzində keçirilən təşkilat saatları sinif şagirdlərinin fəallığı və təşəbbüskarlığı ilə keçdi. Şagirdlərin yaş xüsusiyyətlərinə uyğun olaraq sinif təşkilat saatlarında həftənin ən əlamətdar günləri, sinif nümayəndəsi, təmizlik komissiyasının sədri, qəzet redaktoru və s. ictimai vəzifələrə uyğun olan şagirdlərin gördükləri işlər müzakirə olunurdu. Həmçinin il ərzində təlim-tərbiyə işlərinin vəziyyəti, məktəbdə və ictimai həyatda davranış qaydaları, sinif və məktəb yoldaşları ilə ünsiyyət qurma bacarığı sinif rəhbəri tərəfindən müəyyən edildi. Heç vaxt unutmamalıyıq ki, tərbiyə etdiyimiz şagird müstəqil Azərbaycanımıza xidmət edəcəkdir.

  Dərsliklərin yığılması məktəb kitabxanasında dərs ilinin əvvəlində və sonunda həyata keçirilən vacib bir prosesdir. Bu prosesin əsas məqsədi dərsliklərin şagirdlərə düzgün şəkildə paylanması və il sonunda səliqəli şəkildə geri toplanmasıdır.
Dərsliklərə səliqə ilə yanaşmaq, onları qorumaq hər bir şagirdin vəzifəsidir. Bu, həm təhsil keyfiyyətinə, həm də dövlət əmlakına hörmət deməkdir.

  "Konstitusiya xalqın iradəsini, müstəqillik və demokratiya prinsiplərini əks etdirən ali hüquqi sənəddir. Azərbaycan Konstitusiyası dövlətimizin demokratik, hüquqi və dünyəvi əsaslarını müəyyən edir və xalqımızın gələcək inkişaf yolunu istiqamətləndirir”.

Yuxarıda qeyd olunan sitat Ümummilli Lider Heydər Əliyevin Azərbaycan dövlətçiliyinin möhkəmləndirilməsi və hüquqi əsasların qurulmasında Konstitusiyanın roluna verdiyi əhəmiyyəti əks etdirir. Ölkə konstitusiyası məhz Ulu Öndərin rəhbərliyi altında hazırlanmış və qəbul edilmişdir.

Azərbaycan Respublikasının Prezidenti cənab İlham Əliyevin Qərarı ilə 2025-ci il Azərbaycanda “Konstitusiya və Suverenlik İli” elan edilmişdir. Bu hadisə ölkənin tarixində iz qoyan mühüm mərhələni və milli-mədəni dəyərlərin, hüquqi müstəqil dövlətin və xalq iradəsinin qorunmasını özündə əks etdirir.

 N.S.Teymurov adına 231 nömrəli məktəbdə "Konstitusiya və Suverenlik ili" çərçivəsində tədbir keçirildi.

  "Ailəm və məktəbim” layihəsinin keçirilməsi ilə bağlı Tədbirlər Planına uyğun olaraq 10 iyun tarixində N.S.Teymurov adına 231 nömrəli məktəbin şagirdləri "Ailəmə minnətdaram" adlı divar qəzetləri hazırladılar.

Məktəbin TTİÜDM Elza Cəfərovanın iştirakı ilə psixoloq Kübra Nağıyeva tərəfindən VIa sinif şagirdlərinin iştirakı ilə "Ailəmə minnətdaram " mövzusunda maarifləndirici məşğələ keçirildi. Ölkəmizin inkişafında, milli dəyərlərinin bərqərar edilməsində ailə dəyərlərinin rolunun  böyük olduğu vurğulandı. Şagirdlərdə ailə dəyərlərinin hörmətlə yanaşmanın vacibliyi, ailəni sevmənin vacibliyi qeyd edildi.

 Sonda şagirdlərin hər biri tərəfindən “Ailəmə minnətdaram” məktubu yazıldı.