“Gələcəyimiz üçün ağac əkək” başlığı altında ağacəkmə aksiyası keçirildi
Bakı Şəhəri üzrə Təhsil İdarəsinin 22 aprel 2019-cu il tarixli № 2009-05/13 məktubuna əsasən, 01 may 2019-cu il tarixdən etibarən 10 gün müddətində təhsil müəssisəsinin binasında və həyətyanı sahələrində təmizlik, abadlıq və müvafiq yaşıllaşdırma işlərinin həyata keçirilməsi məqsədilə 4 may 2019-cu il tarixində Heydər Əliyevin anadan olmasının 96-ci ildönümünə həsr olunan ağacəkmə aksiyası keçirilib. Ağacəkmə aksiyasında müəllimlər ilə yanaşı, şagirdlər də iştirak ediblər. Ətraf mühitin mühafizəsinə və yaşıllıqların arıtırılmasına töhfə verən bu cür ağacəkmə kampaniyalarının davamlı olaraq keçirilməsi planlaşdırılır. Bu gün əkilən hər bir ağac gələcək nəsillərə yadigar qalacaq.
Aksiyanın keçirilməsində məqsəd şagirdlərin vaxtının səmərəli təşkili, onların diqqətini ətraf mühitin və yaşıllıqların qorunmasına yönəltmək olmuşdur.
