Azərbaycanın Xalq yazıçısı İsmayıl Şıxlı
Məlum olduğu kimi xalq yazıçısı İsmayıl Şıxlının 100 illik yubileyinin keçirilməsi ilə əlaqədar ölkə prezidenti İlham Əliyev sərəncam imzalamışdır. Bu sərəncamı yerinə yetirmək üçün 15 mart 2019-cu il tarixində ədəbiyyat müəllimi Əsədova Vəsxanım, kitabxanaçı Bayramova Mirzəhra və VII sinif şagirdlərinin təşəbbüsü ilə dəyirmi masa keçirilmişdir. Tədbiri Əsədova Vəsxanım açaraq, İsmayıl Şıxlının həyat və yaradıcılığından, onun təkçə yazıçı yox, həm də ictimai xadim kimi öz sözünü cəsarətlə deməsindən, xalqın adından hər zaman mərdliklə çıxış etməsindən, yaradıcılığının əsas meyarı olan “Cəbhə gündəlikləri”ndən söz açdı. Əsədova Vəsxanım sonda onu da qeyd etdi ki, hər bir azərbaycanlı gənc öz dahi şəxsiyyətlərini, şair və yazıçılarını yaxından tanımalı, onların həyat yaradıcılığını dərindən öyrənməlidir.
Sonra söz şagirdlərə verildi. Onlar İsmayıl Şıxlının hamımıza örnək ola biləcək, şanlı həyat yolu, xalqımızın tarixi, milli-mənəvi dəyərlərimizi əks etdirən yaradıcılığından danışdılar.
Tədbir boyu İsmayıl Şıxlının romanı əsasında çəkilmiş “Dəli Kür” filmindən fraqment nümayış olundu.
