"Son zəng"
14 iyun tarixdə Azərbaycanın hər yerində olduğu kimi, bizim məktəbimizdə də "Son zəng " çalındı. 9-cu və 11-ci siniflərin iştirakı ilə buraxılış tədbiri keçirildi. Tədbirdə Pirallahı Rayonu İcra Hakimiyyətinin əməkdaşı Seymur Yusibov, Gürgən mədəniyyət evinin direktoru Dilbazi Səmədova məktəbin, müəllim, şagird və valideynlər iştirak etdilər. Tədbir Azərbaycan Respublikasının Dövlət himni ilə açıq elan olundu. 11-ci sinifin məzunlarını təbrik üçün aşağı sinif şagirdlərinin hazırladıqları mahnı və şeirlər kompozisiyaları tədbiri maraqlı etdi. Tədbirin sonunda sevimli məzunlar da bütün müəllimlərinə minnətdarlıqlarını bildirdilər. Biz də məktəb kollektivi olaraq məktəbi başa vuran məzunları və onların valideynlərini təbrik edir, məzunlara buraxılış imtahanlarında uğurlar arzulayırıq.
