BŞTİ -nin təşkilatçılığı ilə Bakı məktəblilərinin I Forumu keçirilib.
İyunun 12-də BŞTİ-nin təşkili ilə Nizami kinoteatrında gənc istedadlıların l Forum möhtəşəm görüşü təşkil olundu.
Forumda Bakı məktəbləri üzrə istedadlı şagirdlər iştirak edirdilər. Bəziləri musiqi, idman bəziləri texniki, humanitar fənlər üzrə Amerika ölkələrində yarışmalarda iştirak ediblər 1-ci, 2-ci yer qazanıblar, forumda öz nailiyyətlərindən danışdılar. Məqsəd gənc istedadların il boyunca gördükləri işlər və bu işlərdə məktəbin göstərdiyi dəstəyi təbliğ etmək idi.
Tədbirdə ümummilli lider Heydər Əliyev və ulu öndərin siyasi kursunu uğurla davam etdirən Prezident İlham Əliyevin dövlət və xalq üçün göstərdiyi xidmətlərdən, eləcə də elm, təhsil, idman, incəsənət və digər sahələr üzrə yüksək nailiyyətlər qazanmış şagirdlərin uğurlarından bəhs edən videoçarxlar nümayiş olunub.
Daha sonra Bakı məktəbliləri adından Forum iştirakçılarının müraciəti oxunub. Müraciətdə paytaxt məktəblilərini öz ətrafında birləşdirən yeni təşkilatın yaradılması təklifi irəli sürülüb.
Sonda Forum iştirakçıları qonaqlarla xatirə şəkli çəkdirib.
