Şagirdlər Hərbi Qənimətlər Parkında olublar
17 oktyabr 2021-ci il tarixində Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən açılışı olduğu “Hərbi Qənimətlər Parkı”na ekskursiya təşkil olunub. Şagirdlər 44 günlük Vətən müharibəsi dönəmində müzəffər ordumuzun düşməndən ələ keçirdiyi bütün hərbi qənimətlərlə tanış olublar. Müəllimlər Parkın yaradılmasının Vətən müharibəsində “Dəmir Yumruq” siyasətilə qazanılmış Şanlı Zəfərin gələcək nəsillərə ötürülməsi üçün lazım olan əyani nümunələrdən biri olduğunu şagirdlərə bildiriblər.
Şagirdlər Ordumuzun güc və əzmini bir daha göstərən “Hərbi Qənimətlər Parkı”ndan qürurverici təəssüratlarla ayrıldılar. Sonda xatirə şəkilləri çəkildi.
