Dahi Azərbaycan şairi və mütəfəkkiri Nizami Gəncəviyə həsr olunmuş onlayn tədbir keçirildi
2021-ci ildə dahi şair və mütəfəkkir Nizami Gəncəvinin anadan olmasının 880 illiyi tamam olur. Dövlət başçısı, Prezident İlham Əliyev qüdrətli söz və fikir ustadının insanları daim əxlaqi kamilliyə çağıran və yüksək mənəvi keyfiyyətlər aşılayan zəngin yaradıcılığının bəşər mədəniyyətinin nailiyyəti kimi müstəsna əhəmiyyətini nəzərə alaraq bu ili ölkəmizdə “Nizami Gəncəvi İli” elan edib. Mövzu ilə əlaqədar olaraq 17 mart 2021-ci il tarixində tərbiyə işləri üzrə direktor müavini Elza Cəfərova, kitabxanaçı Mirzəhra Bayramovanın təşəbbüsü və VI sinif şagirdlərinin iştirakı ilə Nizami Gəncəvinin anadan olmasının 880 illik yubileyi münasibətilə onlayn maarifləndirici tədbir keçirildi. Tədbirdə şagirdlərə Nizami Gəncəvinin yaradıcılığına dair ətraflı məlumat verildi və onları maraqlandıran suallar cavablandırıldı.
