Şagirdlərə Polis Akademiyasına qəbul qaydaları haqqında məlumat verildi
13 yanvar tarixində məktəbdə DİN-in Polis Akademiyasının nümayəndəsi, polis leytenantı Həzrət Sevdimov və Nəsimi Rayon Polis İdarəsinin əməkdaşı, polis mayoru Yeganə Zeynalovanın iştirakı ilə IX-XI sinif şagirdlərinin gənclərin DİN sistemində təhsilə və xidmətə təşviqi mövzusunda görüş keçirilmişdir.
Görüş zamanı şagirdlərə Polis Akademiyasına qəbul qaydaları, akademiyada mövcud olan maddi-texniki baza və sosial şərait barədə ətraflı məlumat verilmişdir. Bununla yanaşı, gənclərə gələcəkdə dövlətinə və vətəninə sadiq və sağlam ruhda böyümələri üçün dəyərli tövsiyələr təqdim edilmişdir.
