Mina təhlükəsizliyi
Məktəbin hərbi rəhbəri İlham Babayevin təşəbbüsü ilə mina təhlükəsizliyi mövzusunda təşkil olunan maarifləndirici tədbir şagirdlər üçün mühüm əhəmiyyət kəsb edir. Tədbirin əsas məqsədi gəncləri mina və partlamamış hərbi sursatların yaratdığı təhlükə barədə məlumatlandırmaqdır. Bununla yanaşı, rəsmi və qeyri-rəsmi mina nişanlarını tanımaq, təhlükəli əraziləri müəyyənləşdirmək, tanımadıqları yerlərdə xüsusi davranış qaydalarına riayət etmək və mina təhlükəsindən qorunma metodlarını öyrənmək tədbirin öncül vəzifələrindəndir.
Bu kimi tədbirlər, mina ilə bağlı bədbəxt hadisələrin qarşısını almaqda, şagirdlərə bu istiqamətdə bilik və vərdişlər aşılamaqda mühüm rol oynayır. Təhlükəsiz gələcək üçün gənclərin bu biliklərə yiyələnməsi vacibdir.
