İngilis dili fənni üzrə nümunəvi dərs təşkil etmişdir.
12 dekabr tarixində 5 "Ç" sinfində Ümummilli Lider Heydər Əliyevin anım günü münasibətilə ingilis dili fənn müəllimi Zeynab Xəlilova tərəfindən nümunəvi dərs təşkil edilib. Dərsdə Heydər Əliyevin həyat və fəaliyyəti, Azərbaycan xalqı üçün gördüyü böyük işlər barədə məlumat verilib, onun xatirəsi dərin hörmət və ehtiramla yad edilib.
Dərsdə məktəbin direktoru, tarix üzrə fəlsəfə doktoru Rəhman Hacıyev və Təlim-tərbiyə üzrə direktor müavini Afaq Hacıyeva iştirak ediblər. Şagirdlər dərs zamanı Ümummilli Liderin Azərbaycan tarixindəki mühüm rolu barədə maraqlı təqdimatlar edib və sual-cavab formasında müzakirələr aparıblar.
Bu kimi nümunəvi dərslər həm şagirdlərin dil biliklərini inkişaf etdirmək, həm də milli dəyərlərə bağlılığını artırmaq baxımından xüsusi əhəmiyyət kəsb edir.
