12 Dekabr Ümummilli Lider Heydər Əliyev "Anım Günü"
10.12.2024-cü il tarixində kitabxana müdiri Ülviyyə Fərəcova və kitabxanaçı Rayihə Yusubovanın təşkilatçılığı ilə məktəbin kitabxanasında "12 Dekabr Ümummilli Lider Heydər Əliyevin Anım Günü"nə həsr olunmuş dəyirmi masa təşkil edilmişdir.
Tədbirdə Ümummilli Lider Heydər Əliyevin Azərbaycan xalqının tarixi yaddaşında silinməz iz qoymuş böyük şəxsiyyət olduğu vurğulanmış, onun zəka və fitri istedad sahibi, müdrik dövlət xadimi kimi əvəzolunmaz xidmətləri xatırlanmışdır. Heydər Əliyevin həyat yolu yüksək insani və əxlaqi keyfiyyətləri özündə təcəssüm etdirən nümunəvi məktəb kimi dəyərləndirilmişdir.
Dəyirmi masada şagirdlərə Ümummilli Liderin Azərbaycan xalqı üçün həyata keçirdiyi mühüm islahatlar, ölkənin müstəqilliyinin qorunması və inkişafı yolunda göstərdiyi misilsiz fədakarlıqlar haqqında geniş məlumat verilmişdir. Tədbir iştirakçıları Heydər Əliyevin zəngin irsinin bugünkü və gələcək nəsillər üçün mühüm örnək olduğunu xüsusi olaraq qeyd etmişlər.
Belə tədbirlər gənc nəslin vətənpərvərlik ruhunda tərbiyə olunmasında və onların Heydər Əliyev irsini dərindən öyrənməsində mühüm rol oynayır.
