Zəfər bizə çox yaraşır...
Zəfər Gününün sevinc və qürurunu körpə ürəklərə köçürən müəllimlər vətənpərvər bir gələcəyin memarlarıdır.
Məktəbimizin 1e sinfində də bu bayramın təntənəsi, coşqusu özünü göstərirdi. Belə ki, qazandığımız qələbənin minlərlə canın qanı bahasına olduğunu, torpaqlarımızın hər qarışının müqəddəsliyini, onun uğrunda daim hər kəsin bir əsgərtək keşikdə dayanmağının vacibliyini vurğulayan sinif müəllimi İlhamə Ələkbərova çıxış üçün sözu şagirdlərə verdi. Birincilərimiz də öz növbəsində, səsləndirdikləri vətənpərvər mahnılar və şeirlər, eləcə də nümayiş etdirdikləri rəqs nömrələri ilə sinifdaxili tədbiri daha da yaddaqalan etdilər.
