“Mərkəzi sinir sistemi” mövzusunda nümunəvi dərs keçirildi
Oktyabrın 27-də məktəb-liseyin biologiya müəllimi Könül Həsənova VIII a sinfində “Mərkəzi sinir sistemi” mövzusunda nümunəvi dərs apardı.Dərsdə məktəb-liseyin direktor müavini İlahə Haqverdiyeva,Uşaq Birliyi Təşkilatı rəhbəri Bəsti İmanova iştirak edirdilər.Nümunəvi dərs zamanı Könül müəllim əyani olaraq şagirdlərə baş beyin və sinir sistemlərini göstərdi. Öncə şagirdlər elektron lövhədə insanın mərkəzi sinir sistemi və onun şöbələri ilə tanış oldular.Sonra şagirdlər baş beyin,onurğa beyni və onun funksiyaları barədə məlumat verdilər.Nümunəvi dərsin təşkilinə görə Könül müəllimə təşəkkürümüzü bildiririk.
