MƏKTƏBDƏ BİLİK YARIŞI KEÇİRİLİB
Məktəbin Fəaliyyət Planına uyğun olaraq şagirdlərin fənlərə olan marağını yüksəltmək, bilik səviyyəsini, siniflər arasında rəqabəti artırmaq məqsədilə ibtidai siniflərin 3 və 4-cü siniflərini əhatə edən “Bilik yarışı” keçirilib. “Bilik yarışı” həm azərbaycan, həm də rus bölməsi üzrə keçirilib. Şagirdlər “Bilik yarışı”nda boyük həvəs və həyacanla iştirak ediblər. Riyaziyyat fənnindən “Bilik yarışı” keçirilməsi, şagirdlərin riyaziyyat sahəsindəki biliklərini yoxlamaq və inkişaf etdirmək məqsədi daşıyır. Fənlər üzrə yarışın keçirilməsi şagirdlərin riyaziyyata olan marağını artırır, eyni zamanda problem həll etmə bacarıqlarını və tənqidi düşünmə qabiliyyətlərini inkişaf etdirir.
