GƏLƏCƏYƏ “KÖRPÜ” SALAQ
İqlim dəyişikliyinə qarşı qlobal mübarizədə beynəlxalq həmrəyliyin gücləndirilməsi məqsədilə dövlət başçısı cənab İlham Əliyevin sərəncamı ilə ölkəmizdə 2024-cü il “Yaşıl dünya naminə həmrəylik ili” elan edilib.
Ətraf mühitin qorunmasına, iqlim dəyişikliyinin qarşısının alınmasına diqqət çəkmək və bu proseslərdə şagirdlərin daha yaxından iştirakını təşviq etmək məqsədilə ilk dərs günü də məhz bu mövzuya həsr olunub.
İlk dərs günü məktəbin 4b sinif müəllimi S.Məcidova şagirdləri üçün “Yaşıl dünya naminə həmrəylik ili”nə həsr olunmuş maraqlı dərs hazırlayıb. Öncə uşaqlar ekoloji problemlərə həsr olunmuş videoçarxı izləyib, bu mövzuda müzakirələr aparıb, COP-29 haqqında məlumat alıblar. Sonda isə onlar ağac forması şəklin üzərinə 27 şagirdin hər birini simvolik olaraq təsvir edən yarpaqlar ( düymələr ) yapışdıraraq təbiəti qoruyacaqlarına söz veriblər.
Müəllim S. Məcidova əmindir ki, belə interaktiv dərslərin təşkili şagirdlərdə ekoloji mədəniyyətin formalaşmasında və ətraf mühitin qorunmasında böyük əhəmiyyət kəsb edir.
