MƏKTƏBDƏ “KORRUPSİYAYA QARŞI MÜBARİZƏ MÖVZUSUNDA İCLAS KEÇİRİLİB
Məktəb direktorunun rəhbərliyi ilə korrupsiyaya qarşı mübarizə ilə əlaqədar ümumməktəb iclası keçirilib. Məktəbin direktoru bildirib ki, ölkəmizdə korrupsiyaya qarşı mübarizə tədbirlərinin davamlı olmasını təmin etmək, rüşvətxorluğa şərait yaradan halların qarşısının alınması məqsədi ilə islahatlar aparılır. Azərbaycan Respublikasının Prezidenti İlham Əliyevin 4 aprel 2022-ci il tarixli Sərəncamı ilə “Korrupsiyaya qarşı mübarizənin gücləndirilməsinə dair 2022-2026-ci illər üçün Milli Fəaliyyət Planı” təsdiq edilib. Fəaliyyət Planının bu istiqamətdə əsas hədəfləri dövlət strukturunda idarəetmə mexanizmlərinin inkişafı, özəl sektorda beynəlxalq standartlar çərçivəsində anti-korrupsiya mühitinin formalaşdırılması, qanunvericilik bazasının mütərəqqi beynəlxalq təcrübə əsasında təkmilləşdirilməsinin təmin edilməsidir. Korrupsiyanın insanın şəxsiyyətinin, əxlaqi-mənəvi dəyərlərin, etik davranışların zədələnməsində rolu böyükdür. Cəmiyyət olaraq bu və ya digər formada korrupsiya hallarına qarşı birgə mübarizə aparmalıyıq!
