Mən bütün anaları günəşlə tən tuturam
Bu gün məktəbimizin kitabxanasında məktəbdə pedaqoji təcrübə keçən Azərbaycan Dillər Universitetinin, Azərbaycan Pedaqoji Universitetinin tələbələri və kitabxanaçılarımızın təşkilatçılığı ilə "Mən bütün anaları günəşlə tən tuturam" adlı ədəbi-bədii gecə keçirilib. Tədbirdə məktəbimizin 4"B", 5"C" və 6"A" sinif şagirdləri tanınmış - məşhur qadınlarımız haqqında məlumat veriblər. Şagirdlərimiz şəhid analarımızı da təbrik edib, elə igid oğul böyütdükləri üçün dərin təşəkkürlərini bildiriblər. Tədbirdə maraqlı şeirlər söylənilib və gözəl musiqilər səsləndirilib.
