Nizami Gəncəvi adına Ədəbiyyat muzeyinə ekskursiya
21 may 2022-ci il tarixində 7B sinfi Nizami Gəncəvi adına Milli Azərbaycan Ədəbiyyatı Muzeyinə ekskursiya edib.
Azərbaycan dili və ədəbiyyatı müəllimi Afaq Nəbiyevanın rəhbərliyi ilə təşkil olunan ekskursiyada muzey bələdçisi şagirdlərə Ədəbiyyat Muzeyinin yaranma tarixi, habelə Nizami Gəncəvi, Seyid İmadəddin Nəsimi yaradıcılığına həsr olunmuş ekspozisiya zalları haqqında geniş məlumat verib.Ədəbiyyat Muzeyində qorunub saxlanılan qiymətli eksponatlar və nümayiş etdirilən qədim əlyazmalar, böyük ədiblərin əsərlərinə miniatürlər, xalq yaradıcılığı və tətbiqi sənət nümunələri, görkəmli şəxsiyyətlərlə bağlı nadir sənədlər, habelə müxtəlif əsrlərə aid digər maddi mədəniyyət abidələri şagirdlərdə ədəbiyyatımızın bu günədək keçdiyi inkişaf yolu barədə dolğun təsəvvür formalaşdırıb.
Böyük marağa səbəb olan ekskursiya uşaqlarda xoş təəssüratlar yaradıb. Sonda xatirə şəkli çəkdirilib.
