İmtahan stresinin idarə olunması
İmtahanlar ərəfəsində şagirdlərdə psixoloji hazırlığın yaradılması məqsədilə psixoloqla görüş keçirildi. İmtahanlar öncəsi həyəcan ən çalışqan tələbəni belə narahat edə bilər. Bu səbəbdən imtahanlara psixoloji hazırlıq göz ardı edilə bilməz. Psixoloqla keçirilən görüş bu baxımdan abituriyentlər üçün çox böyük əhəmiyyət kəsb edir. Məktəbdə keçirilən görüş zamanı psixoloq şagirdlərlə geniş söhbət aparmış, imtahan öncəsi nələr etməli, imtahan davam edərkən necə sakit qalmalı kimi məqamlara toxunmuşdur. Şagirdlər onları maraqlandıran suallara cavab tapmışlar.
