Zəfərimiz əbədi olacaq
Bugün Azərbaycanın qazandığı tarixi Zəfər hər bir azərbaycanlının qəlbini fərəh hissilə doldurur . Hər evdə Qələbənin sevinci duyulur . Liseyin müəllim və şagirdləri evdə qaldığı günlərdə qəlblərinin böyük sevincini qələmlərilə əks etdirirlər ,şeirlər yazır ,rəsmlər çəkir , divar qəzetləri ,stendlər hazırlayırlar . Ali Baş Komandanımızın , Milli Ordumuzun tarixi uğurlarını əks etdirirlər .
Liseyin ibtidai sinif müəllimi Mətanət Süleymanova yazdığı “Bayrağım “ şeirində ard-arda zirvələrə sancılan , düşmənə göz dağı çəkən , Cəbrayılda , Füzulidə , Zəngilanda , Şuşada zirvələri fəth edən , hələ neçə zirvənin gözünü yolda qoyan , şəhid qanından qızaran bayrağın vəsfini kövrək misralara köçürmüşdür .Covid -19 pandemiyasının səbəbindən müəllim və şagirdlərimiz evdə qalsa da , onların Vətən sevgisi , Qələbə sevinci evdə qala bilmir ,bölüşmək , paylaşmaq üçün kağızlara , tablolara köçür .