Novruz bayramı -2016
Xalqımızın sevimli bayramlarından biri olan NOVRUZ bayramı məktəbimizdə də təntənə ilə qeyd edildi. Foyedə şagirdlərimizin Novruz bayramı mövzusunda hazırladıqları əl işləri və rəsmlər sərgiləndi. Məktəbin akt zalında 2-ci sinif şagirdlərinin təqdimatında NOVRUZ təbriki tədbirə dəvət edilmiş şagird, müəllim və valideynlərə təqdim edildi. Şagirdlərin ifasında bayatılar, mahnı və rəqs nömrələri, bir-birindən maraqlı səhnəciklər nümayiş etdirildi. Novruzun atributları olan kosa və keçəlin şən zarafatları dinlənildi, əyləncəli yarışmalar keçirildi. Bayram tədbiri maraqlı və yaddaqalan oldu.
