Məktəbəqədər hazırlıq qruplarında ilk dərs günü qeyd olundu.
Bu gün məktəbin məktəbəqədər hazırlıq qruplarında ilk dərs günü təntənəli şəkildə qeyd olundu.Əllərində gül dəstələri və şarlarla məktəb həyatına qədəm qoyan balaca fidanların çöhrəsində gülüş və sevinc hisləri duyulurdu.Onların gəlişini qarşılayan məktəb direktoru H.Mahmudova öz çıxışında ilk dəfə məktəbə gələn məktəbəqədər hazırlıq qruplarının şagirdlərini ilk dərs günü münasibətilə təbrik etdi,onlara olan öz arzu və istəklərini bildirdi.Daha sonra balacalar şarlarla bəzənmiş sinif otaqlarına daxil olub ilk müəllimləri ilə tanış oldular.
