Tətil günlərini şagirdlər səmərəli keçirirlər
Məktəbin 2017/2018-ci tədris ili üçün illik fəaliyyət planının 1.3.7-ci bəndinə müvafiq olaraq şagirdlərdə motivasiyanın yüksəldilməsi, şagird marağının müəyyənləşdirilməsi, şagirdlərin ehtiyac və maraqlarına əsasən müvafiq tədbirlərin həyata keçirilməsi məqsədilə mütəmadi olaraq tədrisin keyfiyyətinə təsir edən ekskursiyalar, gəzintilər təşkil edilir. Beləliklə, tətil günlərində məktəblilərimiz Gənc Tamaşaçılar teatrında oldular, orada aktyorların ifasında "Çipollino" adlı tamaşaya baxdılar. Burada məqsəd şagirdlərin mütaliəyə marağının artırılması, dünyagörüşlərinin inkişaf etdirilməsi və ictimai yerlərdə davranış qaydalarının öyrədilməsi idi.
