“Qəhrəmanlar unudulmur!”– inşa yazı müsabiqəsi keçirildi.
“Qəhrəmanlar unudulmur!”– inşa yazı müsabiqəsi keçirildi.
Bu gün məktəbimizdə Aprel döyüşləri və şəhidlərimizin qəhrəmanlığına həsr olunmuş “Qəhrəmanlar unudulmur” adlı inşa yazı müsabiqəsi keçirildi. Müsabiqənin əsas məqsədi şagirdlərdə vətənpərvərlik ruhunu yüksəltmək, Aprel döyüşlərində qəhrəmanlıq göstərmiş igidlərimizin xatirəsini yad etmək və onların fədakarlığını gələcək nəsillərə çatdırmaq idi.
6-cı sinif şagirdləri müsabiqəyə böyük həvəslə qatıldılar. Onlar Aprel döyüşlərinin tarixi, Azərbaycan Ordusunun şücaəti və torpaqlarımızın azadlığı uğrunda canından keçən igidlərin qəhrəmanlıqları haqqında duyğulu inşalar yazdılar. Xüsusilə məktəbimizin qəhrəman məzunu, Aprel döyüşlərində şəhid olmuş Sənan Axundov haqqında yazılar böyük ruh yüksəkliyi ilə qələmə alındı.
Şagirdlər öz yazılarında Sənan Axundovun Vətən sevgisini, fədakarlığını və onun keçdiyi şərəfli döyüş yolunu vurğuladılar. Onun timsalında bütün şəhidlərimizin xatirəsinin daim yaşayacağı bir daha ifadə olundu.
Bu müsabiqə bir daha göstərdi ki, Vətən yolunda canını fəda etmiş igidlərimiz heç vaxt unudulmayacaq. Məktəbimizin şagirdləri şəhidlərimizin şərəfli yolunu öyrənir və onların ruhuna layiq bir gənclik kimi yetişirlər. Sənan Axundov və bütün şəhidlərimizin qəhrəmanlığı hər zaman bizimlə olacaq!
Allah bütün şəhidlərimizə rəhmət eləsin!
