“Dəyərlərimizi qoruyaq: Zamana səyahət” adlı Novruz tamaşası təqdim olundu
“Dəyərlərimizi qoruyaq: Zamana səyahət” adlı Novruz tamaşası təqdim olundu
Bakı Şəhəri üzrə Təhsil İdarəsinin təşkilatçılığı ilə “Dəyərlərimizi qoruyaq: Zamana səyahət” adlı Novruz tamaşası təqdim olunub. Bayram abu-havasında keçən tədbir milli dəyərlərimizin qorunması və gələcək nəsillərə ötürülməsinə həsr edilib.
Tamaşada 144 nömrəli tam orta məktəbin istedadlı şagirdləri də çıxış ediblər. Onlar klassik Azərbaycan ədəbiyyatının tanınmış əsərlərindən seçilmiş səhnələrdə uğurla çıxış edərək tamaşaçılara unudulmaz anlar yaşadıblar. Belə ki, məktəbin şagirdləri Misyor Jordan və Şahbaz bəy obrazlarını canlandıraraq peşəkar aktyorluq bacarıqları nümayiş etdiriblər.
Tamaşa izləyicilər tərəfindən böyük maraqla qarşılanıb və Novruz bayramının mənəvi dəyərlərini əks etdirən bu cür tədbirlərin əhəmiyyəti bir daha vurğulanıb.
