İdmançılarla şagirdlərimizin görüş təşkil olundu
Təhsilalanlara fəal və sağlam həyat tərzini təbliğ edilməsi , gənclərin zərərli vərdişlərlə bağlı maarifləndirilməsi , idmanın şagirdlər arasında kütləviləşdirilməsi , həmçinin Azərbaycanın idman şöhrətini yüksəldən idmançılarının tanıdılması məqsədilə Azərbaycan Respublikası Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin Bakı Şəhəri üzrə Təhsil İdarəsinin Əsasnaməsinin 5.5.4- cü bəndini rəhbər tutaraq idmanın müxtəlif növləri üzrə nailiyyəti olan idmançılarla şagirdlərimizin görüşü təşkil olundu.Görüşdə məktəbimizin Məktəbdənkənar və Sinifdənkənar işləri üzrə təşkilatçı Kəmalə Mirzəliyeva,idman müəllimi Elçin Babayev, psixoloq Səbinə Orucova iştirak etdilər.
İdmançılar öz uğur hekayələrini şagirdlərlə bölüşdülər, yarışlara hazırlıq prosesindən və qazandıqları təcrübələrdən danışdılar. Görüş zamanı məktəbimizin idmançı qızı 5c sinif şagirdi Əskinaz da çıxış edərək əldə etdiyi nailiyyətlərdən, idmanın ona qazandırdığı müsbət xüsusiyyətlərdən və qarşılaşdığı çətinlikləri necə aşdığından bəhs etdi.
Şagirdlərimiz bu görüşdə idmana olan maraqlarını daha da artırdılar və uğur qazanmağın zəhmət, iradə və əzmkarlıq tələb etdiyini bir daha anladılar. Bu cür tədbirlər şagirdlərə motivasiya verməklə yanaşı, sağlam həyat tərzinə təşviq edir və onların idmana olan marağını gücləndirir.
