“Vətənə sevdalılar” kitabının müəllifi şairə Sevda İbrahimli ilə görüş
Məktəbimizdə sinif müəllimi Ceyhunə Novruzovanın təşkilatçılığı altında 4B sinif şagirdləri ilə “Vətənə
sevdalılar” kitabının müəllifi şairə Sevda İbrahimli ilə görüş keçirilmişdir. Şagirdlərin ifasında kitabda toplanmış, şəhidlik
zirvəsinə ucalmış vətən övladlarının igidliyindən və talelərindən bəhs edən şeirlərdən
nümunələr təqdim olunmuş, həmin şeirlərə bəstələnmiş mahnılar səsləndirilmiş, şəhidlər
haqqında videoçarx göstərilmişdir. Tədbirdə məktəbin direktoru İlahə Həmidova öz çıxışında
şəhidlərimizin xatirəsinin əbədiləşdirilməsində belə kitabların xüsusi yerini vurğulamış, belə
tədbirlərin uşaqların vətənpərvər ruhda böyüməsində ciddi rolundan danışmış, tədbir
iştirakçılarına duyğusal anlar yaşatdıqları üçün 4b sinif şagirdlərinə təşəkkür etmişdir. Sonda
kitabın müəllifi Sevda İbrahimli və redaktoru Gülnar İbrahimli ürək sözlərini söyləmişlər.
