“1 İyun - Uşaqların Beynəlxalq Müdafiəsi günü”nə həsr olunmuş tədbir təşkil edildi.
Binəqədi rayonu 126 nömrəli tam orta məktəbdə İyunun 1-də sinif rəhbərlərinin təşkilatçılığı ilə “1 İyun - Uşaqların Beynəlxalq Müdafiəsi günü”nə həsr olunmuş tədbir təşkil edildi.
Tədbirdə uşaqlar öz bacarıqlarını göstərərək rəqs etdilər, mahnı oxudular və şeirlər söylədilər. 6-cı sinif şagirdlərinin hazırladıqları səhnəciklər məktəbli dostlarına sevinc bəxş etdi. Məktəbin direktoru Tərminə Əsədova və direktor müavinləri uşaqları “1 İyun - Uşaqların Beynəlxalq Müdafiəsi günü” münasibəti ilə təbrik etdi, arzularını bildirdilər.
Sonda məktəblilər arzular yazılmış dilək şarlarını havaya buraxdılar və çərpələnglər uçurdular.
