"Qohumlararası nikahın fəsadları" mövzusunda tədbir keçirilib
Ə. Əliyev adına 125 nömrəli tam orta məktəbdə IX siniflərdə Reproduktiv sağlamlıq layihəsi çərçivəsində "Qohumlararası nikahın fəsadları" mövzusunda tədbir keçirilib. Tədbirdə məktəbin psixoloqu Həsənova İlhamə qohumlararası nikahların yaratdığı problemlər, milli genafonda zərərləri, bu nikahdan doğulan uşaqlarda olan xəstəlik və psixoloji problemlər barədə danışıb. Son illər ölkəmizdə bu istiqamətdə aparılan işlər haqqında məlumat verib. Sonra məsələnin həlli ilə bağlı şagirdlərin təklifləri dinlənilib. Sağlam gələcək naminə bu kimi məsələlərdə diqqətli olmaları tövsiyyə edilib.
