Həyat bilgisi fənnindən nümunəvi dərs keçirilib
19 yanvar 2024 - cü il tarixində Ə. Əliyev adına 125 nömrəli tam orta məktəbin ibtidai sinif müəllimi Cəfərova Aynurə II C sinfində Həyat bilgisi fənnindən "Fəsillər" mövzusunda nümunəvi dərs keçirilib. Dərs 20 Yanvar ərəfəsində olduğu üçün azadlığın carçıları olan şəhidlərimiz ehtiramla anılıb, onların müqəddəs xatirəsi yad olunub. Nümunəvi dərs mövzuya uyğun alt standartların reallaşdırılması, şagirdlərin fəallığı ilə, maraqlı üsul və vasitələrdən istifadə edilərək, mərhələlərin ardıcıllığı ilə idarə olunub. Fəsillərin xüsusiyyətlərinə şagirdlərin münasibəti və ətraf mühiti qavraması maraqla izlənilib. Məktəbin direktoru Əliyeva Zeynəb, təlim - tərbiyə işləri üzrə direktor müavini İbrahimova Zabitə müəllimə tədris prosesində uğurlar arzulayıblar.
