"Ucadan oxu" layihəsi çərçivəsində tədbir keçirilib
14 dekabr 2023 - cü il tarixində Ə.Əliyev adına 125 nömrəli tam orta məktəbdə kitabxana müdiri Cəmalə Nağıyeva, sinif rəhbəri Aynurə Cəfərova və 2 C sinif şagirdlərinin iştirakı ilə "Ucadan oxu" layihəsi çərçivəsində növbəti tədbir keçirilib. Tədbir zamanı şagirdlərin oxu və mütaliə vərdişləri yoxlanılıb. Şagirdlərin nəzərinə çatdırılıb ki, onlar nə qədər çox mütaliə etsələr, bir o qədər ünsiyyət bacarıqlarının formalaşmasına zəmin yaradır. Kitabxana xalq, millət, cəmiyyət üçün müqəddəs bir yer, mənəviyyat, bilik, zəka mənbəyidir. Layihənin məqsədi azyaşlı uşaqları kitabxanaya cəlb etmək, mütaliə vərdişlərini yaratmaqdır. Kitabxanaçı şagirdlərə ucadan oxumaq üçün müxtəlif maraqlı nağıl kitabları təqdim edib.
