Gələcəyimiz üçün bir ağac əkək
8 may 2019-cu il tarixdə D.Cəbrayılov adına 119 nömrəli tam orta məktəbdə ekoloji tarazlığın bərpası və ətraf mühitin təhlükəsizliyinin, insanların sağlamlığının təmin edilməsi, ərazinin gözəlləşməsi məqsədilə “Gələcəyimiz üçün bir ağac əkək” devizi altında iməclik keçirildi. İməcliyin keçirilməsində məqsəd ağac əkməklə ekoloji tarazlığın bərpasına, ətraf mühitin qorunmasına kömək etmək, atmosferi oksigenlə zənginləşdirmək, şagirdlərin diqqətini yaşıllıqların qorunmasına yönəltməkdir. Məktəbin həyətyanı sahəsində müəllim, şagird və texniki işçilərlə birgə təmizlik abadlıq və müvafiq yaşıllaşdırma işləri aparıldı.
Məktəbin direktoru Mətanət Mayılovanın rəhbərliyi altında müxtəlif cinsli ağac tingləri, gül kolları əkilmiş, yaşıllıqlara aqrotexniki qulluq göstərilmişdir. Direktor sonda qeyd etdi ki, ətraf mühitin mühafizəsinin qorunması baxımından bu cür tədbirlərin mütəmadi təşkili vacibdir.O, gənc nəsli ekoloji problemlərə qarşı mübarizədə birgə fəaliyyətə səsləyib.
