Gəlin birgə oxuyaq!
24 aprel 2019-cu il tarixdə D.Cəbrayılov adına 119 nömrəli tam orta məktəbdə “Oxu günü” keçirildi. “Gəlin birgə oxuyaq!” şüarı altında keçirilən “Oxu Günü” nün keçirilməsində əsas məqsəd şagirdlər arasında mütaliə mədəniyyəti və oxu vərdişinin inkişafı kitaba olan marağın artırılmasıdır. Tədbirdə məktəbin kitabxanaçısı Səbinə Pənahova YUNESKO-nun qərarına əsasən, hər il aprelin 23-nün beynəlxalq səviyyədə Ümumdünya Kitab və Müəlliflik Günü kimi qeyd edildiyini şagirdlərin diqqətinə çatdırdı, bu günün beynəlxalq səviyyədə qeyd edilməsinin əhəmiyyəti və mahiyyətini izah etdi. Şagirdlər tərəfindən ədəbi–bədii kompazisiyalar nümayiş etdirildi, şeirlər söylənildi.
