"Ana dilimizi sevək və qoruyaq"
Fevral ayının 21 - i "Beynəlxalq Ana Dili Günü" kimi qeyd olunur. Bu məqsədlə D.Cəbrayılov adına 119 №li tam orta məktədə “Ana dilimizi sevək və qoruyaq” mövzusunda tədbir keçirilib. Tədbir Azərbaycan Respublikasının dövlət himninin səsləndirilməsi ilə başlanıb. Ana dilimizin tarixi haqqında şagirdlərə geniş məlumat verilib. Daha sonra tədbir iştirakçılarına “Mən fəxr edirəm ki, azərbaycanlıyam” başlığı altında slayd təqdim olunub. Tədbir məktəblilər tərəfindən hazırlanan ədəbi-bədii kompozisiya ilə davam edib. Şagirdlərdən - Rəna, Aliyə, Xanım, Əlisəftər, Rüstəm və başqalarının ifasında Cəlil Məmmədquluzadə, Xətai, Səməd Vurğun, Bəxtiyar Vahabzadə və s şair və ədiblərin yaradıcılığından ana dilimizə həsr olunmuş şeirlər, mahnılar və kiçik səhnəciklər təqdim olunub. Tədbir iştirakçıların ifasında Emin Sabitoğlunun “Yaşa Azərbaycan” mahnısının sədaları altında sona çatıb.
