Qəsəbəmizin fəxri Dərdayıl Cəbrayılovun anım günü
14 dekabr 2018-ci il tarixdə D.Cəbrayılov adına 119 nömrəli tam orta məktəbin Qarabağ uğurunda döyüşlərdə qəhrəmancasına döyüşən, Türkan qəsəbəsinin fəxri, məktəbin şəhid məzunu Dərdayıl Süleyman oğlu Cəbrayılovun anım günü qeyd edildi. Tədbir məktəbin ibtidai sinif müəllimi Zərnişan Əliyevanın rəhbərlik etdiyi IV A sinif şagirdlərinin iştirakı ilə keçirildi. Şagirdlər şəhidin döyüş yolu haqqında məlumat verib, şəhidlərə həsr olunmuş şeir və səhnəciklərlə çıxış etdilər. Tədbirin sonunda məktəbin direktoru Mətanət Mayılova çıxış etdi.
