12 dekabr Ulu öndər Heydər Əliyevin anım günü
12 dekabr 2018-ci il tarixdə D.Cəbrayılov adına 119 nömrəli tam orta məktəbdə Ümummilli liderimiz, müasir Azərbaycanımızın qurucusu Heydər Əliyevin xatirəsinə həsr olunmuş anım tədbiri keçirildi. Tədbirdə məktəbin müəllim kollektivi və şagirdlər iştirak etdilər.
Tədbir ulu öndərin əziz xatirəsinin bir dəqiqəlik sükutla yad edilməsi ilə başlandı. Məktəbin direktoru Mətanət Mayılova çıxış edərək, ulu öndərin tarix boyu qoyduğu izdən, onun siyasi fəaliyyəti və quruculuq işlərindən danışdı. O qeyd etdi ki, Heydər Əliyev ideyaları bu gün yaşayır, Azərbaycan dövlətinin inkişafına və qüdrətlənməsinə xidmət edir. Sonra məktəbin direktoru sözü şagirdlərə verdi. Şagirdlər dahi şəxsiyyətə həsr olunmuş şeirlər söylədilər, onun aforizmlərindən nümunələr dedilər. Sonda Ümummilli liderin həyat və fəaliyyətini əks etdirən "Dahi şəxsiyyət" adlı sənədli film nümayiş etdirildi.
