Bilik günü
D.Cəbrayılov adına 119 nömrəli tam orta məktəbdə 15 sentiyabr “Bilik günü” nə həsr olunmuş bayram tədbiri keçirildi. Tədbir Azərbaycan Respublikasının Dövlət Himni ilə başlandı. Şagirdlər “Bilik günü” nə həsr olunmuş şeir və mahnılar ifa etdilər.
Məktəbin direktoru Mətanət Mayılova “Bilik günü” münasibəti ilə şagird və müəllim kollektivini təbrik etdi, onlara tədris ilində uğurlar arzuladı.
İlk əmək fəaliyyətini bu məktəbdə başlayan Həsənova Zamirə müəllim çıxışında öz sevincini müəllim və şagird kollektivi ilə bölüşdü. Tədbir üçün söz valideynlərə verildi. Onlar balaca fidanlara təhsildə uğurlar arzuladı. İlk zəngin sədaları altında şagirdlər gül-çiçəklə siniflərə daxil oldular.
